Mulla Evindar

PORZERÊ Porzerê, dîlberê Çavxezalê, rûkenê Lê keçê delalê Rû wek ava zelalê Kenê li rûyê te Mîna pêlên derya ye Porzerê, dîlberê Çav li min qemişandin Li jor hîva çardeha Li jêr bejna nozdeha Lê keçê rindikê Dil zîz û tenikê Porzerê, dîlberê Em hatin dîlanê Govend hatiye bermalê De bigire destmalê Rabe serê govendê Rameweste li bendê Porzerê, dîlberê Gund li seyra dîlanê Dîlan bi te rengîn e Dilêm dîsa bengîn e Tu şureta vî gundî Çiqes xweşik û rind î Porzerê, dîlberê Ez hatim vê derê Govend xweş e bi gavên te Bisk daket ser çavên te Di cî da xweş dişkînî Serê govendê dikşînî 💖 Porzerê, dîlberê Em hatin dîlanê Kinc li ser te gulgulî Tu serdilka vî dilî Govend xemilî bi bejna te Dîlan bûye cejna te Gotin û Muzîk : Mûlla Evîndar 

PEL, PÊL, ... Pel bêdar, pêl bêderya, dil bête nabe! Mûlla Evîndar 

STRAN Evîn bû jan Jan bû nalîn Nalîn bû stran Mûlla Evîndar 

LI DÛR MAN Berbanga min Stêrka li pencereya min Dengê pelên dara min Dengê ava kaniya min Kenê li ruyên te Bêhna te, bejna te... Li dûr man ji min Li dûr man Li dûr Mûlla Evîndar 

LI NAV BERFÎNAN  Li şeva tarî Li berfa ku dibarî Li bejna te nêrî hezar carî Li te geriyam bi dilgermî, ne bi dilsarî Li nav berfînan min dest berneda ji vî karî Mûlla Evîndar 

ZOZAN Li ser avê keçik e Li hêla avê lawik e Keçik bêrîvan e Lawik şivan e Şivan dildar e Bêrîvan dilsar e Demsal bihar e Şivan li siya çinar e Berxa belek dikale Bilûra şivên dinale Mûlla Evîndar 

GOVENDA NEWROZÊ  Werin keçikno Bi eşqa Zînê! Werin lawikno Bi eşqa Memê! Werin coşiyê Werin dostiyê! Werin bi klam û sozê Bigirin govenda Newrozê! Keç û xort tev xemilîn Hatin govenda rengîn Stran, klam şiyar bûn Bo Newrozê sîwar bûn Werin Newrozê, stranan bên tev! Werin govendê, destan bidin hev! Keç û xort evîndar in Ji dil da tev sozdar in Evîna wan pir kûr e Ji Mem û Zîn ne dûr e Werin keçikno, bi eşqa Zînê! Werin lawikno, bi eşqa Memê! Kûlîlk vebûn reng bi reng Çûçik hatin deng bi deng  Bihar hat her der xweş e Coşî li her der geş e Werin Newrozê, Newroza gelan! Werin sersalê, sersala Kurdan! Werin govendê, bigrin destmalê! Werin dîlanê, ji bo sersalê! Gotin û Muzîk : Mûlla Evîndar 

NEWROZ Roj derket, berf heliya Zivistan çû, bihar hat Gul pişkivîn, zevî rabûn Her der kesk û rengîn e Ji mehan Adar e Ji cejnan Newroz e Tev pîroz dikin Kal û pîr, keç û xort Evîna evîndaran Wek agirê Newroz e Bihar e, êdî bihar e Her der ji gulan sor, zer e Mal bar dikine zozanan Bêrîvan li bêri ye Şivan li bilûrê dixe Kar û berx dikaline Ew jiyana Kurda ye Ew xebata Kurda ye Sal teze dibe Kurd jî xwe teze dike Bihar e, êdî bihar e Her der ji gulan sor, zer e Gotin û Muzîk : Mûlla Evîndar 

ZIMANÊ MIN Awaza min bi kurdî ye  Klama min bi kurdî ye Awaza min bi kurdî ye  Nalîna dil bi kurdî ye Ey zimanê min ey kurdî  Zaravayê min kurmancî  Çend sedsal in tu dinalî  Êrîşe te dikin ji her alî  Dayikê tu tim veşartî  Ji hovitiyê tim parastî Helbesta min bi kurdî ye  Hunera min bi kurdî ye Helbesta min bi kurdî ye  Evîna dil bi kurdî ye   Ey zimanê min ey kurdî  Zaravayê min kurmancî  Çend sedsal in tu dinalî  Êrîşe te dikin ji her alî  Dayikê tu tim veşartî  Ji hovitiyê tim parastî  Helbest û Muzîk : Mûlla Evîndar 

LI PERAVA DERYA  Perava derya ji te dûr e Derya av sar û kûr e  Pêla xwe mîna şûr e Mûlla Evîndar

DIL MA BITENÊ Roj wenda bû li esman Hîv wenda bû li şevan Bejna te wenda bû li ber çavan Ne dengê pelên darê Ne jî dengê pêlên derya hebûn Dengê te li nav bêdengiyê Awirên te li nav tenêtiyê                           berba bûn Mûlla Evîndar  mullaevindar@gmail.com 

BARAN DIBARÎ Baran dibarî Şev reş û tarî Dibarî baran Bi ser bejna te da Brûskên hov Şewqa xwe dida Dida bejna te Dilopên baranê Li ser ruyên te Wek hêsirên çavan Wek stêrkên esman Di wan çavên te da Diçeliqiya Deryaya evînê Helbest û Muzîk : Mûlla Evîndar 

AWIRÊN ÇAVÊN TE  Awirên çavên te Wek çarîna helbestekê Wek narîniya hestekê Wek awaza stranekê  Dil dilerîzînin li her carekê Awirên çavên te Wek paragrafa romanekê  Wek hevoka çîrokekê  Wek gotina destanekê  Diaxivin li her nêrînekê Awirên çavên te Wek dilopa baranekê Mîna berfîna berfekê Wek xunava sibehekê  Li dil dibarin li her demekê Gotin û Muzîk : Mûlla Evîndar 

LI BA MIN MAN AWIRÊN TE Li payizeke bi baran Li şeveke tarî Te derî girt Çûyî Niha Li der baran Li hundir awirên te Bi ser min de dibarine Mûlla Evîndar  05.06.2016

ÇINAR Bejn bilind e dara çinarê Xwe xemilandî ye mîna yarê Pelên xwe vekirine li êvarê Siya xwe hênik e li biharê Mûlla Evîndar  Photo by Mûlla Evîndar 

BA Vebû pencereya min Hat bayê hênik û xweşik Bîhna kûlilkên zozanên me jê tê Bîhna pelên daristanên me jê tê Dengê xwe xweş tê Wek dengê pêlên deryayên me Keremke were Xuya ye tu ji dûr têyî Tu ji ku têyî? Ji berbanga warên me? Mûlla Evîndar  mullaevindar@gmail.com 02.01.2018 Balafir, Esman Türkçe Çevirisi: RÜZGAR Açıldı pencerem Girdi içeriye serin, hoş rüzgar Yaylalarımızdaki çiçeklerin kokusunu Ormanlarımızdaki yaprakların kokusunu Beraberinde getirmiş Sesi hoş geliyor Denizlerimizin dalga sesi gibi Buyur gel Görülüyor ki uzaklardan geliyorsun Nereden geliyorsun? Bizim diyarların şafağından Çeviri : Mûlla Evîndar

JANA DIL Pel weşiyan li daristan Gul çilmisîn li gulistan Li dil dîsa zivistan Li dil jana Kurdan Wenda bû roja li esman Wenda bû hîva li şevan Wenda bû şewqa stêrkan Li dil jana Kurdan Berba bûn pelên payîzan Tunebû gotinek ji ezîzan Tunebû kesekî pêzan Li dil jana Kurdan Li vê derê, li van waran Tunebû taldeyekî dîwaran  Tunebû hespekî siwaran Li dil jana Kurdan Mûlla Evîndar  mullaevindar@gmail.com

                                                                                       Photo : Mûlla Evîndar Helbest / Şiir                                                     ŞEVEKE PAYÎZÊ                         Bar kirin çûçikên esman               Pelên darê weşiyan                       Gul çilmisî                          Pêlên derya ketin xewê                 Îşev bajar bêdeng e                       Şev li min dirêj û teng e               Esman tarî û bêreng e                   Bese were dereng e                       Îşev dil dîsa şeveder e                  Mîna hîva şevê şiyar e                  Îşev dil dîsa nobedar e                   Îşev dil dîsa evîndar e                   Li der stêrkên şevê                        Li hundir awirên te                        Bi ser min da dibarine                  Li vê şeva payîzê                          Mûlla Evîndar  Türkçe Çevirisi: BİR SONBAHAR GECESİ Gökteki kuşlar göçtü Döküldü ağacın yaprakları   S

EVÎNEK LI MIN PEYDA BÛ        Evînek li min peyda bû                      Mîna esman bêdawî ye                    Lê firiyam, lê firiyam                        Li bêdengiyê wenda bûm                  Evînek li min peyda bû                      Wek derya kûr û fireh e                      Pêl bi pêl tim diçeliqe                        Li şînayiyê wenda bûm                      Evînek li min peyda bû                      Wek şewq û tîna rojê ye                    Qemişand her du çavên min              Li ronahiyê wenda bûm                    Evînek li min peyda bû                    Wek hîva şeva tarî ye                        Ketim pê ez der bi der çûm              Li tarîtiyê wenda bûm                      Helbest û Muzîk : Mûlla Evîndar  Türkçe Çevirisi :  BİR SEVDA BAŞIMA GELDİ Bir sevda başıma geldi Gökyüzü gibi sonsuz Orada uçtum, uçtum Sessizliğinde kayboldum Bir sevda başıma geldi Deniz gibi derin ve geniş Dalga dalga dalgalanıyor Mav

KEÇÊ EZ BILÛRVAN IM  Keçê ez bilûrvan im Ji dil de bargiran im Awaza li zozan im Nalîna li şevan im Keçê ez derbeder im Li şevan şeveder im Şev û roj wek bager im Der bi der ez digerim Keçê ez evîndar im Ji evînê dildar im Ji dil de brîndar im Ji dil de ez sozdar im Helbest û Muzîk : Mûlla Evîndar