Mulla Evindar

KARWAN (Koçberên Anatoliyê) Seda zû ji xewa şîrîn Şîlan şiyar bû bi qîrîn Ji xeweke kûr venciqî Xewa çava lê miçiqî Şîlan zarok e Şîlan keçek kurd e Li bayê seda Li eyazê seda Şîlanê nizanî ew çi ye Ketibûn rêze malbat Karwan amade bû ji bo çûnê Karwana koçberiyê li rê bû Şîlanê nizanî bi ku ve û çima ewê herin Ketin rêze, gişk sîwar bûn Kal û pîr, keçik û xort tev Bûk û zava, zar û zêç tev Tev ketin rê, tev bûn rêwî Kete rê karwana koçberan Kete rê Birêket karwan çû Toz û dûman li dû Derketin ji hembêza warê xwe Derketin çûn ew mêrxas Derketin çûn ew gernas Niha bûn koçber ber bi warên nenas                                ber bi warên nenas Kok ji axa xwe veqetî Dil ji canê xwe veqetî Li wan deran hiştin hêlîn Li dû man zeviyên heşîn Li dû xwe Şîlanê nêrî Bi çavên kelegirî Li dû wan ma şûna çîrokê Li dû wan ma rêça dîrokê Dest berdan ji ava kaniyên zelal Çeman bi pêlên xurt deng dan                                      li dû wan!...

ÇAR ÇARÎN Çar çarîn,         ji dil barîn!... 1- ZARÊ MIN Zimanê min Kurdî ye Zarava Kurmancî ye Zarê min Reşwanî ye Barê min dildarî ye 2- PORÊ DIRÊJ Porê dirêj li ser mil e Ev biska xwe ya reş şil e Evîna min barê dil e Dil dinale wek bilbil e 3- LI ZOZANÊ Li ser avê dîsa yar e Li hêla avê çinar e Li siya çinar dildar e Li dilan dîsa bihar e 4- DÎLBER Çûm bajarê Dîyarbekir Min dî dîlberek wek şekir Min dilê xwe jê re vekir Lê çi bikim wê ferq nekir Mûlla Evîndar 

Helbest : Cîgerxwîn Muzîk : Mûlla Evîndar  GULFIROŞ Ez ji xew rabûm gulfiroşek dî Pir gelek şa bûm gul bi dil didî                                gul bi dil didî Hebû me yek dil tev jan û kul bû Nebûme bawer gul bi dil bidî                             gul bi dil bidî Bazar me kir go : "Ser bi ser nadim Ê gulperest bî can û dil didî                          can û dil didî" Min go : "Kî didî can û dil bi gul?" Go : "Ev bazar e, dil bi kul didî                               dil bi kul didî"  Min can û dil da, dil kirye qêrîn Go : "Ho Cîgerwîn dil bi gul didî                                 dil bi gul didî" OFFICIAL  ❤ https://m.facebook.com/mullaevindar  https://www.smule.com/MullaEvindar  https://www.instagram.com/mullaevindar  https://mullaevindar.blogspot.com  #mullaevindar

EZ IM  Ez im ji dil de brîndar Ez im ji dil de dildar Ez im ji dil de sozdar Ez im Mûlla Evîndar Mûlla Evîndar 

AWIRA TE Hest e Helbest e Dil pê sermest e Mûlla Evîndar 

BÊRÎVAN IM (Evîneke Cemêr) Tu yî şivan Ez im bêrîvan Lo şivano! Îşev bibe mîvanê min Seda bibe şivanê min Ji kulavî hîşk derkeve Li ser sîngê min rakeve Bi diskî were Bi diskî here Were metirse Li min bipirse Îşev tu mîvan î Seda tu şivan î Mûlla Evîndar  (Bi zarê Reşwanî)

DÛRÎ Welatê min dûr e Hesreta min kûr e Jana xwe wek şûr e Mûlla Evîndar 

KURMANCÎ Navê xwe şîrîn e Xweşik û rengîn e Stran û evîn e Zarê Mem û Zîn e Helbesta Xanî ye Nalîna Feqî ye Bi giştî evîn e Rêza Cîgerxwîn e Şîr û şekira dev Pê hez dikin ji hev Distirên em pê tev Bi ziman û bi lev Beşek ji Kurdî ye Ew ne Zazakî ye Ew ne Soranî ye Ew ne Loranî ye Ew Kurmancî ye Mûlla Evîndar 

PORZERÊ Porzerê, dîlberê Çavxezalê, rûkenê Lê keçê delalê Rû wek ava zelalê Kenê li rûyê te Mîna pêlên derya ye Porzerê, dîlberê Çav li min qemişandin Li jor hîva çardeha Li jêr bejna nozdeha Lê keçê rindikê Dil zîz û tenikê Porzerê, dîlberê Em hatin dîlanê Govend hatiye bermalê De bigire destmalê Rabe serê govendê Rameweste li bendê Porzerê, dîlberê Gund li seyra dîlanê Dîlan bi te rengîn e Dilêm dîsa bengîn e Tu şureta vî gundî Çiqes xweşik û rind î Porzerê, dîlberê Ez hatim vê derê Govend xweş e bi gavên te Bisk daket ser çavên te Di cî da xweş dişkînî Serê govendê dikşînî 💖 Porzerê, dîlberê Em hatin dîlanê Kinc li ser te gulgulî Tu serdilka vî dilî Govend xemilî bi bejna te Dîlan bûye cejna te Gotin û Muzîk : Mûlla Evîndar 

PEL, PÊL, ... Pel bêdar, pêl bêderya, dil bête nabe! Mûlla Evîndar 

STRAN Evîn bû jan Jan bû nalîn Nalîn bû stran Mûlla Evîndar 

EVÎNA MIN Hebûna min  Evîndariya min e Navê min Evîndar e Evîna min Kenê li ser ruyên zarokan Dengê pelên derya Tîna rojê Şewqa hîvê Bayê zozanê Dilopa baranê Berfîna zivistanê Germahiya yarê ye Mûlla Evîndar 

LI DÛR MAN Berbanga min Stêrka li pencereya min Dengê pelên dara min Dengê ava kaniya min Kenê li ruyên te Bêhna te, bejna te... Li dûr man ji min Li dûr man Li dûr Mûlla Evîndar 

LI NAV BERFÎNAN  Li şeva tarî Li berfa ku dibarî Li bejna te nêrî hezar carî Li te geriyam bi dilgermî, ne bi dilsarî Li nav berfînan min dest berneda ji vî karî Mûlla Evîndar 

ZOZAN Li ser avê keçik e Li hêla avê lawik e Keçik bêrîvan e Lawik şivan e Şivan dildar e Bêrîvan dilsar e Demsal bihar e Şivan li siya çinar e Berxa belek dikale Bilûra şivên dinale Mûlla Evîndar 

GOVENDA NEWROZÊ  Werin keçikno Bi eşqa Zînê! Werin lawikno Bi eşqa Memê! Werin coşiyê Werin dostiyê! Werin bi klam û sozê Bigirin govenda Newrozê! Keç û xort tev xemilîn Hatin govenda rengîn Stran, klam şiyar bûn Bo Newrozê sîwar bûn Werin Newrozê, stranan bên tev! Werin govendê, destan bidin hev! Keç û xort evîndar in Ji dil da tev sozdar in Evîna wan pir kûr e Ji Mem û Zîn ne dûr e Werin keçikno, bi eşqa Zînê! Werin lawikno, bi eşqa Memê! Kûlîlk vebûn reng bi reng Çûçik hatin deng bi deng  Bihar hat her der xweş e Coşî li her der geş e Werin Newrozê, Newroza gelan! Werin sersalê, sersala Kurdan! Werin govendê, bigrin destmalê! Werin dîlanê, ji bo sersalê! Gotin û Muzîk : Mûlla Evîndar 

NEWROZ Roj derket, berf heliya Zivistan çû, bihar hat Gul pişkivîn, zevî rabûn Her der kesk û rengîn e Ji mehan Adar e Ji cejnan Newroz e Tev pîroz dikin Kal û pîr, keç û xort Evîna evîndaran Wek agirê Newroz e Bihar e, êdî bihar e Her der ji gulan sor, zer e Mal bar dikine zozanan Bêrîvan li bêri ye Şivan li bilûrê dixe Kar û berx dikaline Ew jiyana Kurda ye Ew xebata Kurda ye Sal teze dibe Kurd jî xwe teze dike Bihar e, êdî bihar e Her der ji gulan sor, zer e Gotin û Muzîk : Mûlla Evîndar 

ÎRO NEWROZ E DÎLBERÊ  Gul pişkivî wek hinar e Berf helî êdî bihar e Bejna te mîna çinar e Îro Newroz e dîlberê Wey lê dîlberê cejna te Hatim binêrim li bejna te Îro Newroz e dîlberê Agirek dadan bi kozê Ketin govenda Newrozê Keç û xort hatin bi sozê Îro Newroz e dîlberê Wey lê dîlberê cejna te Hatim binêrim li bejna te Îro Newroz e dîlberê Wey lê lê dîlbera delal Şiyar bûn tev çemên zelal Xemilîn tev mêrg û newal  Îro Newroz e dîlberê Wey lê dîlberê cejna te Hatim binêrim li bejna te Îro Newroz e dîlberê Gotin û Muzîk : Mûlla Evîndar

ZIMANÊ MIN Awaza min bi kurdî ye  Klama min bi kurdî ye Awaza min bi kurdî ye  Nalîna dil bi kurdî ye Ey zimanê min ey kurdî  Zaravayê min kurmancî  Çend sedsal in tu dinalî  Êrîşe te dikin ji her alî  Dayikê tu tim veşartî  Ji hovitiyê tim parastî Helbesta min bi kurdî ye  Hunera min bi kurdî ye Helbesta min bi kurdî ye  Evîna dil bi kurdî ye   Ey zimanê min ey kurdî  Zaravayê min kurmancî  Çend sedsal in tu dinalî  Êrîşe te dikin ji her alî  Dayikê tu tim veşartî  Ji hovitiyê tim parastî  Helbest û Muzîk : Mûlla Evîndar 

LI PERAVA DERYA  Perava derya ji te dûr e Derya av sar û kûr e  Pêla xwe mîna şûr e Mûlla Evîndar